Ռուսաստանը հանդես է գալիս Ղարաբաղի հարցով հայ-ադրբեջանական երկխոսության շարունակության օգտին եւ գտնում է, որ հակամարտության մասնակիցները իրենք պետք է հասնեն դրա երկկողմանի ձեռնտու կարգավորմանը: Այդ մասին հայտարարել է ՌԴ ԱԳՆ պաշտոնական ներկայացուցիչ Միխայիլ Կամինինը: «Մենք պատրաստվում ենք այս գործում ամենաակտիվ մասնակցությունն ունենալ ինչպես երկկողմանի տեսանկյունից, այնպես էլ որպես ԵԱՀԿ Մինսկի խմբի համանախագահ եւ դառնալ ապագա հնարավոր համաձայնության երաշխավոր»,- հայտարարել է նա, հաղորդում է ՌԻԱ «Նովոստին»: