Գենետիկները հայտարարել են ՄԻԱՎ-ով (Մարդու իմունային անբավարարության վիրուս) վարակված իմունային բջիջների խորքային խմբագրման հնարավորության մասին: CRISPR/Cas9 նոր տեխնոլոգիաների կիրառումը թույլ է տալիս հեռացնել բոլոր վիրուսային գեները` ավելին, հուսալիորեն խոչընդոտել դրանց կրկնակի ներկառուցմանը: Այդ մասին հրապարակում է տեղադրել Scientific Reports հանդեսը:

Մի քանի տարի առաջ Քեմել Կհալիի թիմը արդեն ցուցադրել է բջիջների քրոմոսոմում ներկառուցված վիրուսի գենոմը հայտնաբերելու և այն կտրելու CRISPR/Cas9 տեխնոլոգիաների կարողությունը: Նոր աշխատության մեջ Թեմփլի համալսարանի գիտնականները կրկին օգտագործել են CRISPR/Cas9 տեխնոլոգիան հեռացնելու համար ՄԻԱՎ-ը վարակված T-լիմֆոցիտներից` ցույց տալով, որ համակարգը թույլ է տալիս հեռացնել վիրուսային գենոմի բոլոր պատճենները և խոչընդոտում է դրանց ներկառուցմանը քրոմոսոմի մեջ:

«Այդպիսով, CRISPR/Cas9 տեխնոլոգիայի օգնությամբ խմբագրումը կարող է նոր թերապիայի նոր մեթոդներ բացահայտել` հեռացնելու համար ԴՆԹ ՄԻԱՎ-1-ը CD4-դրական T-լիմֆոցիտներից և կարող է մեկնարկային կետ դառնալ լիակատար բուժման ճանապարհին»:

ՄԻԱՎ-ը շարունակում է գլոբոլ խնդիր մնալ, որից տառապում են տասնյակ միլիոնավոր մարդիկ: Գոյություն ունեն հակավիրուսային պրեպարատներ, որոնք թույլ են տալիս «սառեցնել» վարակը, կտրուկ թուլացնել այն ու տասնյակ տարիներով երկարացնել հիվանդի կյանքը, սակայն չեն հեռացնում ՄԻԱՎ-ն օրգանիզմից: Վիրուսն արագ ներկառուցվում է իմունային բջիջների գենոմի մեջ, որտեղ կարող է պահպանվել շատ երկար` ռեզերվուար հանդիսանալով հիվանդության նոր բռնկումների համար: CRISPR/Cas9 համակարգը թույլ է տալիս ուղղորդված խմբագրել տարբեր օրգանիզմների ԴՆԹ-ն: