Ապրիլի լույս 2-ի գիշերվանից ապրիլի 5-ը ժամանակահատվածում ադրբեջանական զինուժի հետ մարտերում զոհվել է Պաշտպանության բանակի 29 զինծառայող, 101-ը վիրավորվել է, ևս 28-ն անհետ կորած է:

Զոհվածներից 7-ը ու վիրավորներից 20-ը սպա ու ենթասպա են, 20 զոհված ու 81 վիրավոր՝ սերժանտ, պայմանագրային ու շարքային:

Այդ մասին է հայտարարել Ստեփանակերտում բրիֆինգի ժամանակ ՊԲ օպերատիվ բաժնի պետ, գնդապետ Վիկտոր Առուստամյանը:

Հայկական կողմը կորցրել է 14 տանկ: Խոցվել է 26 ադրբեջանական տանկ, 4 ՀՄՄ, 1 «Գրադ», 1 ինժեներական մեքենա, 2 ուղղաթիռ, 12 ԱԹՍ:

Ապրիլի 5-ի կեսօրից հայտարարվել է կրակի երկկողմանի դադարեցման մասին: Ադրբեջանը, սակայն, միևնույն է շարունակում է կրակել տանկերից, ականանետերից ու հրետանուց: