ՀՀ ԱԳ նախարար Էդվարդ Նալբանդյանն ապրիլի 8-ին կմեկնի Մոսկվա, որտեղ կհանդիպի ՌԴ ԱԳ նախարար Սերգեյ Լավրովի հետ: Այդ մասին ասվում է ՀՀ ԱԳՆ Facebook-յան էջում:
Նույն օրն էդվարդ Նալբանդյանը կմասնակցի ԱՊՀ Արտաքին գործերի նախարարների խորհրդի նիստին, ասվում է հաղորդագրության մեջ:
Ավելի վաղ Սերգեյ Լավրովը հայտարարել էր, որ Թուրքիան պետք է դադարեցնի աջակցությունն ահաբեկչությանը և միջամտությունn այլ երկրների գործերին:
«Չեմ կարող դատել, թե ինչ դեր է ունեցել կամ չի ունեցել Անկարան, կամ շարունակում է ունենալ Լեռնային Ղարաբաղի դեպքում, բայց այն, որ բոլորի համար, ներառյալ Թուրքիան ու թուրք ժողովրդին, ճիշտ կլիներ, որպեսզի Անկարան կենտրոնանա աջակցությունն ահաբեկչությանը դադարեցնելու վրա, հստակ է»:
Անդրադառնալով ղարաբաղյան խնդրին` նախարարը նշել է, որ ռազմական լուծում այստեղ լինել չի կարող:
