Grand Chess Tour 2016-ի կազմակերպիչներն ապրիլի 8-ին հրապարակել են մրցաշարի մասնակիցների ցուցակը:
Այս տարի մրցաշարին կմասնակցեն Լևոն Արոնյանը, Վլադիմիր Կրամնիկը, Ֆաբիանո Կարուանան, Հիկարու Նակամուրան, Անիշ Գիրին, Մաքսիմ Վաշյե-Լագրավը, Վեսելին Տոպալովը, Վիշվանաթան Անանդը և Վեսլի Սոն, տեղեկացնում է ՀՀ շախմատային ֆեդերացիան:
Սենտ-Լուիսի մրցաշարին կազմակերպիչների հրավերով կմասնակցի Դին Լիրենը, իսկ Փարիզյան մրցաշարի կազմակերպիչները հրավիրել են մասնակցելու Լորան Ֆրեսինեին:
Աշխարհի չեմպիոն Մագնուս Կարլսենը կմասնակցի միայն արագ շախմատի մրցաշարին:
Grand Chess Tour 2016-ի շրջանակում կանցկացվեն մրցաշարեր Սենտ-Լուիսում, Փարիզում և Բրյուսել-Լյովենում: Ավելացնենք, որ Փարիզում նախատեսվող մրցաշարը կանցակցվի արագ շախմատի կանոններով:
Ձախողում՝ շահեկան դիրքերում. Ինչպես Արոնյանը տապալեց Հավակնորդների մրցաշարերը