Սիրիայի տարածքից արձակված 3 հրթիռ պայթել է թուրքական Քիլիս բնակավայրի մոտ։ Միջադեպի հետևանքով վիրավորվել է 12 մարդ։
Հրթիռներից մեկը տան վրա է ընկել։ Վիրավորները տեղափոխվել են Քիլիսի պետական հիվանդանոց, «Անադոլու»-ին հղումով գրում է Tert.am-ը։
Վնասվել են տներ և մեքենաներ։
Քիլիսի քաղաքապետ Սուլեյման Թափսըզը հայտնել է, որ թուրքական զինուժը կրակ է բացել այն ուղղությամբ, որտեղից արձակվել էին հրթիռները։ «Թիրախները ոչնչացվել են»,- ասել է նա։
2015-ին Սիրիայի նախագահի քաղաքական խորհրդական Բուսեյն Շահաբանը հայտարարել է, որ սիրիական բանակի ռազմավարական նպատակներից մեկը Թուրքիայի հետ սահմանին հսկողություն հաստատելն է: Ինչպես նշել է Շահաբանը, Սիրիայում գործողությունը կշարունակվի մինչև Հալեպ գավառում և Թուրքիայի հետ սահմանին հսկողության հաստատումը, ինչը թույլ կտա «կանգնեցնել ահաբեկիչներին, որոնց ուղարկում է Թուրքիան»: