«ԼՈՒՔօյլ» ռուսական նավթային ընկերությունը մտադիր է դուրս գալ մի շարք խոշոր ադրբեջանական նախագծերից: Ադ մասին հաղորդել է «Մեդիա-Պռեսս» գործակալությունը` վկայակոչելով «ԼՈՒՔօյլի» անանուն ներկայացուցչին: Աղբյուրի խոսքերով, տվյալ որոշումը պայմանավորված է այն հանգամանքով, որ ընկերությունը մտադիր է փոխել իր գերակայությունները, մասնավորապես, ջանքերը կենտրոնացնել Կասպյան տարածաշրջանի հյուսիսային մասում: «ԼՈՒՔօյլ»-ն Ադրբեջանում երկու նախագծերի օպերատոր է` «Հովսանայի» եւ «Յալամայի», որոնց յուրաքանչյուրից նրան բաժին է ընկնում բաժնետոմսերի կեսը: Այդ կապակցությամբ, Ադրբեջանի պետական նավթային ընկերության ղեկավար Նաթիկ Ալիեւը հայտարարել է, որ, եթե «ԼՈՒՔօյլն» իրոք մտադիր է նման ձեւով վարվել, ապա նա չպետք է հույսը դնի, որ ապագայում կկարողանա ինչ-որ բանով զբաղվել Ադրբեջանում: