Google ընկերությունը հայտարարել է Project Ara մոդուլային սմարթֆոնի ծրագիրը ATAP լաբորատորիայից առանձնացնելու ու որպես ինքնուրույն նախագիծ զարգացնելու որոշման մասին:
Նախկինում Google-ը երբեք չէր արտադրում սեփական հեռախոս, իսկ Nexus սմարթֆոններն արտադրվում էին Huawei, LG, HTC կամ այլ գործընկերների կողմից:
Նախագիծը կղեկավարի Motorola-ի նախկին թոփ-մենեջեր Ռիք Օսթեռլոհը:
Project Ara-ի համահեղինակն ու գլխավոր ինժեներն է Արա Ներսես Կնայանը, ում անունն էլ կրում է նախագիծը: Մոդուլային սմարթֆոնը թույլատրելու է փոփոխել հեռախոսի կոնֆիգուրացիան՝ կախված հաճախորդի ցանկություններից տեղադրելով ավելի հզոր մարտկոց, այլ տեսախցիկ, ավելի մեծ հիշողություն կամ հզոր բարձրախոսներ և այլն:
Մայիսի 20-ին Google-ը ցուցադրել է Project Ara-ի աշխատող տարբերակը: 2016-ին ընկերությունը կսկսի տրամադրել հեռախոսը հավելվածներ նախագծող ընկերություններին, իսկ վաճառքում սմարթֆոնը կհայտնվի 2017 թվականին: