26 մայիսի 2016 - 17:09 AMT
Անգելա Մերկելը կողմ է ՌԴ դեմ գործող պատժամիջոցների երկարացմանը

Գերմանիայի կանցլեր Անգելա Մերկելը հայտարարել է, որ դեռ վաղ է խոսել ՌԴ դեմ գործող Եվրամիության պատժամիջոցները չեղարկելու մասին: Որոշումն այդ մասին կայացվելու է հունիսին և ԵՄ անդամնեը հակված են երկարացնելու դրանց գործողությունը, հայտնում է ՌԲԿ-ն:

Դեկտեմբերի վերջում ԵՄ-ն երկարացրեց պատժամիջոցները կես տարով և հունիսի ավարտին Բրյուսլեը պետք է նոր որոշում կայացնի: Ավելի վաղ ԵՄ արտաքին գերատեսչության ղեկավար Մոգերինին հայտարարեց, որ իր կարծիքով ՌԴ դեմ պատժամիջոցները կերկարացվեն:

Ըստ Bloomberg-ի ոչ պաշտոնական տվյալների, ԵՄ բոլոր անդամները հակված են երկարացնելու պատժամիջոցները, թեև վերջնական որոշում դեռ չի կայացվել:

Եվրախորհրդի նախագահ Դոնալդ Տուսկը հայտարարել է, որ Եվրամիությունը կերկարացնի Ռուսաստանի դեմ գործող պատժամիջոցները: «ԵՄ-ն կշարունակի ընթացիկ քաղաքականությունը Ռուսաստանի հարցում, ներառյալ տնտեսական պատժամիջոցները, քանի դեռ մինչև վերջ չեն կատարվել Մինսկի համաձայնագրերը»,-գրել է Տուսկը մայիսի 26-ին Twitter-ի իր միկրոբլոգում:

Ըստ ՌԻԱ Նորությունների, այս երկարաձգումը վերջինը կլինի, իսկ արդեն տարեվերջից պատժամիջոցները կսկսեն չեղարկվել:

Արևմուտքը պատժամիջոցների չեղարկումը կապում է Մինսկի պայմանավորվածությունների կատարման հետ` ծանր զինտեխնիկայի նահանջ շփման գծից, գերիների փոխանակում, ընտրություններ աշխարհազորայինների կողմից վերահսկվող տարածքներում ըստ Ուկրաինայի օրենսդրության:

Ընթերցեք նաև. Տուսկ. ԵՄ-ն կերկարացնի ՌԴ դեմ գործող պատժամիջոցները