Շվեյցարական Բեռն քաղաքում ավարտվել է մարմնամարզության Եվրոպայի առաջնությունը, որտեղ Հայաստանը ներկայացնող Արթուր Ավետիսյանն արծաթե մեդալ է նվաճել:
Օղակների վարժության երիտասարդների պայքարում Ավետիսյանը հավաքել է 14,300 միավոր և դարձել Եվրոպայի երիտասարդական առաջնության փոխչեմպիոն: Առաջին տեղում 14,358 միավորով Գերմանիայի ներկայացուցիչ Նիկ Կլեսսինգն է, տեղեկացնում է ՀՀ ազգային օլիմպիական կոմիտեն:
Մինչ այս Հայաստանի հավաքականի անդամներից Եվրոպայի մեծահասակների առաջնությունում Հարություն Մերդինյանը նժույգթափեր վարժությունում դարձել էր Եվրոպայի չեմպիոն, իսկ Արթուր Դավթյանը (հենացատկ) և Վահագն Դավթյանը (օղակներ) արծաթե մեդալակիրներ: