31 մայիսի 2016 - 15:09 AMT
Հայոց ցեղասպանության թեմայով համաժողով՝ ԵԽ-ում

Եվրոպական խորհրդարանում ընթանում է «Հայոց ցեղասպանության ճանաչման եւ մշակութային ժառանգության վերականգման օրինական և քաղաքական ասպեկտները» խորագրով համաժողով: Այս մասին հայտնել է Եվրոպայի Հայ դատի գրասենյակի խոսնակ Բեդո Դեմիրճյանը:

«Այս միջոցառման նպատակն է Ցեղասպանության ճանաչումից բացի բարձրացնել հատուցման հրամայականը: Մեկնարկը տալիս ենք Եվրախորհրդարանում», - ասել է Դեմիրճյանը, գրում է Aysor.am-ը:

Մասնակիցներն են՝ մարդու իրավունքների գծով դատապաշտպան Ջեֆրի Ռոբերտսոնը, միջազգային իրավունքի մասնագետ Օվե Բրինգը, ազգությամբ թուրք, մարդու իրավուքնների գծով փաստաբան Ջեմ Սոֆոուղլուն, լրագող Դողան Օզգուդեն, լրագրող Կիյոմ Փերիեն:

Համաժողովը հյուրընկալել է ԵԽ պատգամավոր Չարլզ Թաննոքը: Մոդերատորն է Հայ Դատի կենտրոնական խորհրդի նախագահ Հակոբ Տեր-Խաչատուրյանը: