Հայաստանի Կենտրոնական ընտրական հանձնաժողով են դիմել երկու միջազգային եւ երկու տեղական կազմակերպություններ խորհրդարանական ընտրությունների ընթացքում դիտորդական առաքելություն կատարելու նպատակով: ԱՊՀ Խորհրդարանական վեհաժողովի խորհուրդը 12 դիտորդներից կազմված խումբ կգործուղի Հայաստան, իսկ ԱՊՀ գործադիր կոմիտեն` 8 մարդ: Տեղական կազմակերպություններից հայտ է ներկայացրել «Քո ընտրությունը» հասարակական կազմակերպությունը, որը նախատեսում է 2992 դիտորդներ գործուղել բոլոր ընտրատարածքներ, իսկ «Ընտրական համակարգեր» հասարակական կազմակերպությունը 10 դիտորդի հայտ է ներկայացրել, հաղորդում է «Նովոստի-Արմենիան»: