Ռուսաստանի ՊՆ պաշտոնական ներկայացուցիչ գեներալ-մայոր Իգոր Կոնաշենկովը հերքել է այն լուրերը, որ Հալեպի հարավում ահաբեկիչների կողմից ռուսական օդատիեզերական ուժերի ինքնաթիռ է խոցվել:
«ՌԴ օդատիեզերական ուժերի բոլոր ինքնաթիռները գտնվում են «Հմեյմիմ» ռուսական ավիաբազայում»,- Ռիա Նովոստիին հղումով գրում է Tert.am-ը:
Ավելի վաղ Reuters գործակալությունը հաղորդել էր, որ Հալեպ քաղաքի մոտակայքում անհայտ ռազմական ինքնաթիռ է կործանվել:
Հալեպի շրջանում վերջին օրերին չեն դադարում դաժան մարտերը Սիրիայի կառավարական զորքերի և ընդդիմադիր ուժերի միջև: Նախօրեին հրթիռակոծության է ենթարկվել նաև հայկական Նոր Գյուղ թաղամասը, որի հետևանքով 4 հայ է զոհվել, ինչպես նաև վնասվել է «Զվարթնոց» հայկական եկեղեցին: