Հայաստանը չճանաչող Պակիստանն ուզում է ԵՏՄ հետ ազատ առևտրի պայմանագիր ստորագրել
Պակիստանը հույս ունի մեկ տարվա ընթացքում ազատ առևտրի մասին պայմանագիր ստորագրել Եվրասիական տնտեսական միության հետ:
Այս մասին է հայտարարել երկրի Առևտրի զարգացման գործակալության տնօրեն Շեյխ Մոհամադ Մունիրը:
Իր խոսքերով, Իսլամաբադն ուզում է մոտ ժամանակներս բանակցություններ սկսել ԵՏՄ հետ՝ պայմանագիրը ստորագրելու վերաբերյալ:
Պակիստանը չի ճանաչում Հայաստանի Հանրապետությունը, որը հանդիսանում է ԵՏՄ հիմնադիր անդամներից մեկը:
2016-ի տարեսկզբին Իսլամաբադը ԵՏՄ-ին ազատ առևտրի համաձայնագիր կնքելու վերաբերյալ հարցում է ուղարկել: Նմանատիպ պայմանագիր է ուզում կնքել կառույցի հետ մոտ 40 երկիր:
