Դորտմունդի «Բորուսիայի» սպորտային տնօրեն Միխաել Ցորկը հաստատել է տեղեկությունն այն մասին, որ ակումբը Հայաստանի հավաքականի կիսապաշտպան Հենրիխ Մխիթարյանի վերաբերյալ որոշում կկայացնի առաջիկայում, հայտնում է Metro-ն:
«Արսենալն» ի թիվս այլ ակումբների հետաքրքրվում է հայ ֆուտբոլիստի ծառայություններով: Ըստ ԶԼՄ-ների, «Արսենալը»` մոտ $35 մլն է առաջարկում Մխիթարյանի համար և տարեկան $ 7.5 մլն աշխատավարձ: «Չելսին»՝ առաջարկել է ֆուտբոլիստի համար ավելի քան €60 մլն, թուրինյան ակումբն առաջարկում էր մոտ $35 մլն:
«Մխիթարյանի ապագայի մասին վերջնական որոշումը կկայացվի այս շաբաթ»,-ասել է Ցորկը Bild-ին:
«Բորուսիայի» հետ Մխիթարյանի պայմանագիրը սպառվում է 2017-ին: Մխիթարյանն արդեն մի քանի ամիս է մերժում է պայմանագիրը երկարացնելու «Բորուսիայի» առաջարկը: Նրան առաջարկում են տարեկան €7մլն աշխատավարձ, սակայն Մխիթարյանը մի շարք հետաքրքիր առաջարկներ է ստացել Եվրոպայի առաջատար ակումբներից:
Ընթերցեք նաև. Bild. Մխիթարյանն իր ապագայի մասին վերջնական որոշումը կկայացնի առաջիկա օրերին