Հարավային Օսիայի խորհրդարանը պատրաստվում է քննարկել Հայոց ցեղասպանության ճանաչման հարցը մոտակա նիստի ժամանակ:
Այդ մասին է հայտնում «Ինտերֆաքս» գործակալությունը՝ հղում անելով խորհրդարանի մամուլի ծառայությանը:
«Որոշ պատգամավորներ նշում էին, որ Հայաստանը ևս պիտի ճանաչի օս ժողովրդի ցեղասպանությունը, բայց դա սկզբունքային չէ: Սկզբունքայինն այն է, որ հայ համայնքի ներկայացուցիչները մեր հասարակության լիիրավ անդամներ են, շատերը կռվել են մեր անկախության համար, դժվարություններ տարել մեզ հետ, ոմանք էլ ցեղասպանությունից փրկվածների ժառանգներ են», - ասվում է հայտարարությունում:
Մասամբ ճանաչված հանրապետության խորհրդարանը պատրաստվում էր քննարկել Հայոց ցեղասպանության հարցն 2015 թվականին, սակայն քննարկումն այն ժամանակ հետաձգվել էր: