ԱՄՆ Ներկայացուցիչների պալատի ռազմական բյուջեի մասին հանձնաժողովի նիստում ԱՄՆ պաշտպանության նախարարության տրանսպորտի դեպարտամենտի հրամանատար գեներալ Նորտոն Շվարցը հայտարարել է, որ Հայոց ցեղասպանության մասին բանաձեւի ընդունման դեպքում ամերիկյան զորքերն Իրաքում վտանգի կենթարկվեն: Ինչպես գրում է «Թըրքիշ դեյլի նյուսը», գեներալն ընդգծել է, որ ԱՄՆ բանակի համար կսահմանափակվի օդով բեռնափոխադրումների համար Թուրքիայի ՌՕՈՒ «Ինջիրլիկ» ավիառազմակայանի օգտագործման հնարավորությունը: