Ազգային ժողովը հունիսի 30-ին երկրորդ ընթերցմամբ և վերջնականապես ընդունեց Ընտրական օրենսգրքում փոփոխություններ և լրացումներ կատարելու մասին օրինագիծը և կից ներկայացված նախագծերի փաթեթը:
ԸՕ փոփոխություններին կողմ է քվեարկել 104 պատգամավոր, դեմ էին 5-ը՝ Նիկոլ Փաշինյանը, Հրանտ Բագրատյանը, Ռուբիկ Հակոբյանը, Զարուհի Փոստանջյանը և Ալեքսանդր Արզումանյանը, հայտնում է Panorama.am-ը:
Ընտրական օրենսգրքի այս տարբերակը, որն ընդունվել է ԱԺ-ում 4+4+4 ձևաչափի շրջանակներում երկար քննարկումների ու բանակցությունների արդյունքում էր ստացվել: Նախագծով առաջարկվում է ներդնել մատնահետքերի գրանցման համար անհրաժեշտ էլեկտրոնային համակարգեր, որոնք ձեռք բերելու համար պահանջվու մէ 16 մլն եվրո:
Այս տարբերակին կողմ էր խորհրդարանական ընդդիմությունը՝ ի դեմ ՕԵԿ-ի, ՀԱԿ-ի և ԲՀԿ-ի: ԱԺ ՀԱԿ խմբակցության ղեկավար Լևոն Զուրաբյանը երեկվա նիստում հայտարարել էր, որ ընտրական գործընթացում տեխնիկական միջոցների ներդրման համար անհրաժեշտ գումարները արդեն գտնվել են: