ԱՄՆ-ն լուրջ է վերաբերվում ղարաբաղյան կարգավորմանը: Այդ մասին հայտարարել է Բաքվում ԱՄՆ դեսպան Ռոբերտ Սեկուտան Ադրբեջանի փախստականների և բռնի տեղահանվածների պետկոմիտեի նախագահ Ալի Հասանովի հետ հանդիպմանը:
«ԱՄՆ-ն լուրջ է վերաբերվում ղարաբաղյան հակամարտության կարգավորմանը: Զոհերի թվի աճը վերջին շրջանում ստիպում է ավելի շատ ջանքեր գործադրել խաղաղության հասնելու համար: Այսօր երկու երկրների համար ամենակարևորը համատեղ գործելու անհրաժեշտությունն է`տարիներ ձգվող այս հակամարտության խաղաղ կարգավորման համար: Որպես ԵԱՀԿ ՄԽ համանախագահներից մեկը ԱՄՆ-ն ջանքեր կգործադրի այդ ուղղությամբ»,-ասել է Սեկուտան:
Ալի Հասանովն իր հերթին ուշադրությունը հրավիրել է այն փաստի վրա, որ Ադրբեջանը ցանկանում է լուծել խնդիրը խաղաղ ճանապարհով, հայտնում է ՌԻԱ Նովոստին:
Ավելի վաղ ԵԱՀԿ ՄԽ ամերիկացի համանախագահ Ջեյմս Ուորլիքը հայտարարել էր, որ ԵԱՀԿ Մինսկի խմբի համանախագահները մտադիր են առաջիկայում կազմակերպել Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումը:
Ընթերցեք նաև. ԱԳՆ. Բաքուն արգելափակում է ԵԱՀԿ նախագահության առաջարկը գրասենյակի լիազորությունների ընդլայնման մասին
