Հայկական փոխլրացման արտաքին քաղաքականությունը սպառել է իրեն, տարածաշրջանում ձեւավորվող նոր պայմաններում հարկավոր է վարել առավել ակտիվ եւ հավասարակշռված քաղաքականություն: Այդ մասին Երեւանում կայացած մամլո ասուլիսի ժամանակ հայտարարել է Հայաստանի ԳԱԱ արեւելագիտության ինստիտուտի տնօրեն Ռուբեն Սաֆրաստյանը: «Եթե Հայաստանը նույն ոգով շարունակի, երկրի մեկուսացումը կուժեղանա: Եթե ԱՄՆ-ի եւ Իրանի միջեւ պատերազմ սկսվի, Հայաստանը աշխարհի հետ կապված կլինի Վրաստանով անցնող միակ ցամաքային ճանապարհով: Իսկ եթե Հայաստանը փոխի իր արտաքին քաղաքականության ուղղվածությունը, Հայաստանին առավել լուրջ կվերաբերվեն ինչպես թշնամիները, այնպես էլ բարեկամները»,-ընդգծել է հայ փորձագետը: Նա նաեւ նշել է, որ Իրանի դեմ պատերազմի դեպքում Հայաստանի քաղաքականությունը պետք է հենվի միջազգային իրավունքի վրա: