ՎՈՒԱՄ-ը նախապատրաստում է իր քաղաքականության շնորհանդեսն ԱՄՆ-ում եւ Եվրոպայում
Այս տարվա աշնանը ՎՈՒԱՄ-ը մտադիր է կլոր սեղան կազմակերպել ԱՄՆ-ում, նպատակ ունենալով ներկայացնել կազմակերպության հնարավորությունները: Այդ մասին հայտարարել է Վրաստանի արտգործնախարարի առաջին տեղակալ, ՎՈՒԱՄ-ի գլխավոր քարտուղար Վալերի Չեչելաշվիլին: «ՎՈՒԱՄ-ի, որպես տարածաշրջանային կազմակերպության, շնորհանդեսի նպատակով կանցկացվի կլոր սեղան ամերիկացի փորձագետների մասնակցությամբ»,-նշել է նա: Նա ընդգծել է, որ ՎՈՒԱՄ-ը մտադիր չէ սահմանափակվել միայն ԱՄՆ-ի ներկայությամբ: «Մենք նախատեսում ենք նմանատիպ միջոցառումներ անցկացնել նաեւ Բրյուսելում` Եվրամիության հետ»,-ասել է նա, հաղորդում է «Թրենդը»:
