Վերսկսվել է ռուսական կայանների դուրս բերումը Վրաստանի տարածքից
ՌԴ Պաշտպանության նախարարությունը վերսկսել է իր ռազմակայանների դուրս բերումը վրացական տարածքից: Ինչպես հայտնել են Վրաստանի պաշտպանության գերատեսչությունում, այսօր Ախալքալաքի ռազմակայանից Գյումրի քաղաքի (Հայաստան) ռուսական կայան տեղափոխելու համար երկաթգծով ուղարկել են ինժեներական եւ ծանր տեխնիկա, ինչպես նաեւ ԿԱՄԱԶ ավտոմեքենաներ:
Ըստ երկու պաշտպանական գերատեսչությունների միջեւ 2006 թվականին հաստատված համաձայնության, 2007 թվականին Ռուսաստանը պարտավորվել է Ախալքալաքի ռազմակայանից Գյումրի ուղարկել ռազմական տեխնիկայով հինգ երկաթուղային էշելոն: Դեպի Ռուսաստանի Դաշնության տարածք նույն ռազմակայանից ուղարկվելու է 10 էշելոն: Այդպիսով, Ախալքալաքի ռազմակայանի ապամոնտաժման գործընթացը կավարտվի 2007 թվականին:
Բացի այդ, Ռուսաստանի եւ Վրաստանի ԱԳՆ-ների միջեւ 2006 թվականի մայիսի 31-ի պայմանագիրը ենթադրում է, որ մինչեւ 2008 թվականի վերջ Ռուսաստանը դուրս կբերի Վրաստանի տարածքից նաեւ Բաթումի ռազմակայանը, հաղորդում է ՌԻԱ «Նովոստին»:
Ըստ երկու պաշտպանական գերատեսչությունների միջեւ 2006 թվականին հաստատված համաձայնության, 2007 թվականին Ռուսաստանը պարտավորվել է Ախալքալաքի ռազմակայանից Գյումրի ուղարկել ռազմական տեխնիկայով հինգ երկաթուղային էշելոն: Դեպի Ռուսաստանի Դաշնության տարածք նույն ռազմակայանից ուղարկվելու է 10 էշելոն: Այդպիսով, Ախալքալաքի ռազմակայանի ապամոնտաժման գործընթացը կավարտվի 2007 թվականին:
Բացի այդ, Ռուսաստանի եւ Վրաստանի ԱԳՆ-ների միջեւ 2006 թվականի մայիսի 31-ի պայմանագիրը ենթադրում է, որ մինչեւ 2008 թվականի վերջ Ռուսաստանը դուրս կբերի Վրաստանի տարածքից նաեւ Բաթումի ռազմակայանը, հաղորդում է ՌԻԱ «Նովոստին»:
