Առողջապահության համաշխարհային կազմակերպությունն արձանագրել է Զիկա վիրուսի փոխանցման դեպք` աշխարհի 67 երկրում:
«67 երկիր և տարածք հայտնել է 2007-ից ի վեր միջատների միջոցով Զիկա վիրուսի փոխանցման վկայության մասին: Դրանցից 64 պետությունում և տարածքում վիրուսի փոխանցման դեպքեր գրանցվել են 2015-ից»,- ասված է հայտարարությունում, Ռիա Նովոստիին հղումով գրում է Panorama.am-ը:
ԱՀԿ տվյալներով՝ 11 երկիր հայտարարել է մարդուց մարդ Զիկա վիրուսի փոխանցման դեպքերի մասին:
Զիկան սուր վարակիչ հիվանդություն է, որը երբեմն մարդկանց է փոխանցվում մոծակներից և ի հայտ է գալիս տենդի տեսքով: Զիկա տենդի գաղտնի շրջանը ստույգ հայտնի չէ, ենթադրվում է որ այն տևում է մի քանի օրից մինչև մեկ շաբաթ: