Սարի թաղում ոստիկանական գործողության ժամանակ բռնկված հրդեհը մարվել է:
Ինչպես հայտնում էն Արտակարգ իրավիճակների նախարարությունից, հրդեհի մասին ահազանգը ստացվել է 22.48-ին: Այրվում էր Սարի թաղ 5-րդ շարք թիվ 1 տան տանիքը:
Դեպքի վայր է մեկնել մեկ մարտական հաշվարկ:
Տեղում պարզվել է, որ տան պարսպի մոտ այրվել է մոտ 20 քմ խոտածածկույթ. հրդեհը մարվել է տեղի ուժերով:
Էրեբունու ՊՊԾ գունդը գրաված «Սասա ծռեր» խմբի աջակիցները հուլիսի 29-ին հերթական հանրահավաքն անցկացրեցին Ազատության հրապարակում: Հանրահավաքից հետո նրանք երթով շարժվել են դեպի Խորենացի փողոց, որտեղ գտնվում է ՊՊԾ գունդը, սակայն կեսից ցուցարարների մի մասը թեքվել է դեպի Սարի թաղ՝ հավաքվելով այնտեղ: Ոստիկանությունը ցրել է ցույցերը՝ հատուկ միջոցների կիրառմամբ, ծեծվել են բազմաթիվ քաղաքացիներ, լրագրողներ:
Տասնյակ քաղաքացիներ հոսպիտալացվել են: