ՊՊԾ գնդի տարածքից կրծքավանդակային հրազենային վնասվածքով «Էրեբունի» բժշկական կենտրոն տեղափոխված «Սասնա ծռեր» խմբի անդամ Սեդրակ Նազարյանին վիրահատել են:
Ինչպես հայտնում են առողջապահության նախարարությունից, նա այժմ գտնվում է վերակենդանացման բաժանմունքում։ Մասնագետները նրա վիճակը գնահատում են կայուն ծանր։ Միացվել է արհեստական շնչառական սարք։
Նշվում է նաև, որ հուլիսի 29¬-ին Խորենացի փողոցում և Սարի թաղում տեղի ունեցած միջադեպի հետևանքով «Սուրբ Գրիգոր Լուսավորիչ» բժշկական կենտրոն դիմածներից ևս երեքը դուրս է գրվել։ Այս պահի դրությամբ հիվանդանոցային բուժումը շարունակում է 22-ը։
Նազարյանը վիրավորվել է հուլիսի 31-ին՝ ժամը 9.30-ի սահմաններում: