Թուրքիայի վարչապետ Ռեջեփ Թայիփ Էրդողանը` իշխող «Արդարություն եւ զարգացում» կուսակցության (AKP) նախագահը, հայտնել է երկրի նախագահի պաշտոնում AKP-ի թեկնածուի անունը: Դա Թուրքիայի արտգործնախարար Աբդուլահ Գյուլն է: «Բազմաթիվ քննարկումներից եւ վեճերից հետո, մենք որոշել ենք առաջադրել մեր հարգելի նախարարի թեկնածությունը»,- հայտարարել է Էրդողանը Թուրքիայի Բարձրագույն Ազգային Ժողովի (ԹԲԱԺ) անդամների առջեւ: Ինչպես հայտնում է Reuters գործակալությունը, Թուրքիայի ԱԳՆ նոր ղեկավարը կնշանակվի մայիսի 16-ին:

Թուրքիայի նախագահին ընտրում են ԹԲԱԺ-ում, որի մեծամասնությունը կազմում են AKP-ի պատգամավորները: