Օգոստոսի 31-ին հեռախոսազրույց է կայացել Ռուսաստանի և Հայաստանի արտգործնախարարներ Սերգեյ Լավրովի և Էդվարդ Նալբանդյանի միջև:
Ռուսաստանի արտգործնախարարության պաշտոնական կայքէջում տեղադրված հաղորդագրության համաձայն՝ նախարարները քննարկել են «երկկողմ արտաքին քաղաքական փոխգործողության որոշ հարցեր, ինչպես նաև իրավիճակը Լեռնային Ղարաբաղի հակամարտության կարգավորման գործընթացում», գրում է «Ազատություն» ռադիոկայանի կայքէջը:
Լավրովը շնորհավորել է հայաստանցի գործընկերոջը ռուսաստանյան Բարեկամության շքանշանով պարգևատրվելու առթիվ:
Օգոստոսի 10-ին ՀՀ նախագահ Սերժ Սարգսյանը հանդիպել է ՌԴ նախագահ Վլադիմիր Պուտինի հետ՝ այլ հարցերի շարքում քննարկելով նաև ԼՂ հիմնախնդիրը:
Սարգսյանը շնորհակալություն է հայտնել ՌԴ նախագահին ղարաբաղյան հակամարտության կարգավորմանն ուղղված ջանքերի համար: Իր հերթին, Վլադիմիր Պուտինը հայտնել է, որ քննարկել է հակամարտության կարգավորման թեման Ադրբեջանի նախագահ Իլհամ Ալիևի հետ ու նշել է, որ տեղյակ կպահի Սարգսյանին զրույցի բովանդակության մասին: