Թուրքիայի իշխանություններն առգրավել են Deutsche Welle մեդիաընկերության ծրագրի համար երկրի երիտասարդության և սպորտի նախարար Աքիֆ Չաղաթայ Քըլըչի հետ արված հարցազրույցը: Նախարարի հետ զրուցել է լրագրող Միշել Ֆրիդմանը սեպտեմբերի 5-ին, գերատեսչության շենքում:
Թե ինչ թեմաների մասին պետք է խոսեն՝ նախապես տեղյակ է պահվել գերատեսչության աշխատակիցներին:Ֆրիդմանը զրուցակցի հետ քննարկել է Թուրքիայում տեղի ունեցած հեղաշրջման փորձը, դրան հաջորդած ձերբակալությունները, Թուրքիայում ազատ խոսքի հետ կապված իրավիճակը, գրում է Tert.am-ը:
Հարցազրույցի ավարտին, երբ Քըլըչն արդեն հեռացել էր նկարահանումների վայրից, նախարարության մամուլի քարտուղարը հանկարծ հայտարարել է, որ Deutsche Welle ընկերությանն արգելվում է հրապարակել հարցազրույցը: Նկարահանված ամբողջ նյութն առգրավվել է Երիտասարդության և սպորտի հարցերով նախարարության աշխատակիցների կողմից: