Սեպտեմբերի 26-28-ը ՀՀ ԶՈւ ռադիացիոն, քիմիական կենսաբանական պաշտպանության զորքերի պետ, վարչության պետ Վարդան Նշանյանի գլխավորած աշխատանքային խումբն այցելելու է Մինսկ, ասվում է ՊՆ մամուլի հաղորդագրության մեջ:
Մինսկում ՀՀ ԶՈւ պատվիրակությունը կմասնակցի Հայաստանի և Բելառուսի պաշտպանության նախարարությունների միջև ռադիացիոն, քիմիական, կենսաբանական պաշտպանության ոլորտի համագործակցության հարցերի քննարկմանը:
Բելառուսի Հանրապետության «GPS/GLONASS» արբանյակային նավարկային համակարգեր արտադրող ընկերության տնօրենի գլխավորած պատվիրակությունը սեպտեմբերի 19-ին այցելել էր Հայաստան: Եռօրյա այցի ընթացքում պատվիրակությունը մասնակցել է ՀՀ պաշտպանության նախարարությունում տեղի ունեցած բանակցություններին և համակարգի փորձարկումների կազմակերպմանը: