ՀՀ-ում ԱՄՆ դեսպանատունը բազմազանության արտոնագրի դիմորդներին զգուշացնում է, որ միայն «.gov» վերջավորությամբ ավարտվող կայքերն են ԱՄՆ կառավարության պաշտոնական կայքերը:
Մնացած բոլոր կայքերը (.com, .org, .net վերջավորություններով) որոնք տրամադրում են ներգաղթի և վիզայի հետ առնչվող տեղեկատվություն կամ ծառայություն չի երաշխավորում, խորհուրդ չի տրվում կամ չի ֆինանսավորում Պետդեպարտամենտի կողմից:
«Զգուշացե՛ք ցանկացած անձից, ով պահանջում է առցանց տրամադրել անձնական տեղեկություն», - ասված է դեսպանատան հայտարարությունում:
Բազմազանության արտոնագրերի ծրագիրը, որն իրականացվում է Կոնգրեսի որոշման համաձայն, ամեն տարի մուտքի ներգաղթային արտոնագիր ստանալու հնարավորություն է տալիս 50.000 անձանց, որոնց ընտրությունը կատարվում է ծրագրին դիմած անձանցից` պատահական ընտրանքի միջոցով: Ծրագրին դիմելու համար սահմանված են հստակ համապատասխանելիության ցուցանիշներ, և ծրագրին կարող են մասնակցել այն երկրների քաղաքացիները, որոնք ԱՄՆ ներգաղթի ցածր ցուցանիշներ ունեն:
