FND Films կինոըներության երեք ռեժիսոր 2014 թվականին Indiegogo հարթակում հայտարարել էին գումար հավաքելու մասին, որպեսզի նկարահանեն իրենց առաջին ֆիլմը «Ամեն ինչ լավ է» (Itʼs All Good) վերնագրով: Հայտարարությունից հետո հավաքվել էր ավելի շատ գումար, քան պահանջվում էր՝ 75 հազար դոլար: Դրանից հետո ռեժիսորներն անհետացել են՝ չներկայացնելով ոչ մի հիմնավորում:
Gazeta.ru կայքը The Independent-ին հղումով գրում է, որ որոշակի պարբերականությամբ ռեժիսորները սոցիալական ցանցերում լուսանկարներ են հրապարակել, որտեղ զբոսնել են նավով, խմել, հանգիստն անցկացրել Իտալիայում: Օգտատերերը, որոնք մասնակցել են դրամահավաքին, զայրացել են, նրանց ուղղված կոշտ մեկնաբանություններ թողել և սպառնացել, որ կդիմեն դատարան:
Սակայն մի քանի օր առաջ ռեժիսորները վիդեոուղերձ են հրապարակել՝ հայտնելով, որ «ֆորսմաժորային հանգամանքների» պատճառով չեն կարող ավարտել ֆիլմը:
Ավելի ուշ հայտնի է դարձել, որ FND Films-ն այնուհանդերձ նկարահանել է ֆիլմ, որի հիմքում երեք երիտասարդի մասին պատմություն է, ովքեր գողացել են ֆիլմի նկարահանումների համար նախատեսված գումարը: Ֆիլմը վարձույթում կլինի հոկտեմբերի 21-ին:
