Բրիտանացի նախարարներին արգելել են կառավարության նիստերի ժամանակ Apple Watch կրել այն մտավախությունից ելնելով, որ ռուս հաքերները կարող են «կոտրել» դրանք:
Դևիդ Քեմերոնի կառավարության օրոք մի քանի նախարար կրել է Apple Watch: Թերեզա Մեյի կառավարությունում կարծում են, որ այդ գաջեթները կարող են օգտագործվել որպես գաղտնալսման սարք, հայտնում է ՌԲԿ-ն The Telegraph-ի վրա հղումով:
Նշվում է, որ նախկինում նույն պատճառով նախարարներին արգելվեց նիստերի ժամանակ օգտվել բջջային հեռախոսներից:
«Ռուսները փորձում են ամեն ինչ կոտրել»,-մեջբերում է պարբերականը աղբյուրներից մեկի խոսքերը:
Վաշինգտոնը մեղադրում է Ռուսաստանին Դեմոկրատական կուսակցության դեմ հաքերային հարձակումներին մեղսակից լինելու մեջ: Սեպտեմբերին Bloomberg-ին տված հարցազրույցում ՌԴ նախագահ Վլադիմիր Պուտինը հերքել էր Ռուսաստանի մեղսակցությունը ԱՄՆ դեմոկրատների դեմ հաքերային հարձակումներին: