Ռուսաստանի պաշտպանության նախարարությունը սիրիական Տարտուսում մշտական ռազմածովային բազա կստեղծի: Այդ մասին հայտնել է ՌԴ ՊՆ փոխնախարար Նիկոլայ Պանկովը Դաշնության խորհրդի միջազգային կոմիտեի նիստում:
«Համապատասխան փաստաթղթերն այժմ պատրաստ են, դրանք միջգերատեսչական համաձայնեցման փուլում են»,-ասել է Պանկովը: Նա հավելել է, որ դրանց պատրաստության աստիճանը «բավականին բարձր է»:
«Հուսով ենք, որ շուտով կխնդրենք ձեզ վավերացնել այդ փաստաթղթերը, ինչպես այսօր ենք դա անում»,-ասել է փոխնախարարը, հայտնում է «Վեդոմոստի» թերթը:
Տարտուսը մեծությամբ երկրորդ նավահանգիստն է Սիրիայում Լաթաքիայից հետո: Այստեղ է գտնվում ԽՍՀՄ նախկին տարածքից դուրս միակ ՌԴ ՌԾՈւ նյութատեխնիկական ապահովման կետը, որտեղ սպասարկվում են Միջերկրական ծովում գտնվող նավերը: Բազան գործում է 1971-ից:
