Երևանում հոկտեմբերի 10-ին տեղի է ունեցել Խորհրդային Միության չեմպիոն և գավաթակիր «Արարատ 73» ֆուտբոլային թիմի արձանախմբի բացման արարողությանը:
Ֆուտբոլային թիմի հաղթանակները հավերժացնող արձանախմբի բացման պատիվը վերապահվել է լեգենդար ֆուտբոլիստներին, իսկ հաղթական գավաթի արձանի հանդիսավոր բացումն իրականացրել են Երևանի քաղաքապետն ու ՀԱՕԿ նախագահը:
«Հրազդան» մարզադաշտի հարևանությամբ բացված «Արարատ 73» ֆուտբոլային թիմի արձանախմբի հեղինակը Երևանի գլխավոր ճարտարապետ Տիգրան Բարսեղյանն է, քանդակագործների խմբի ղեկավարը՝ Արմեն Սամվելյանը:
1973 թվականին Երևանի «Արարատը» Նիկիտա Սիմոնյանի ղեկավարության ներքո հաղթել էթ ԽՍՀՄ առաջնությունն ու նվաճել ԽՍՀՄ գավաթը: 1975-ին ակումբը հաղեց ԽՍՀՄ գավաթը: «Արարատ-73»-ի հաղթանակը թե ակումբի, թե հայկական ֆուտբոլի կարևորագույն նվաճումն է մինչև այսօր: