Ղազախստանում ծայրահեղական խմբի 3 անդամ է ձերբակալվել, որոնք ահաբեկչական գործողություն էին նախապատրաստում:
«2016-ի հոկտեմբերի 10-ին Ալմաթի քաղաքում անվտանգության ուժերը ծայրահեղական խմբի 3 անդամի են ձերբակալել, որոնք ահաբեկչական գործողություն էին նախապատրաստում իրավապահ մարմինների աշխատակիցների դեմ»,-ասվում է Ղազախստանի Ազգային անվտանգության կոմիտեի հաղորդագրության մեջ, հայտնում է «Կոմերսանտը»:
Գերատեսչությունը նշում է, որ ձերբակալվածներից առգրավվել են ինքնաշեն պայթուցիկ սարքեր, կրոնական ծայրահեղական բնույթի նյութեր, այդ թվում ահաբեկչական գործողությունների կոչեր պարունակող: