Հարավային Կովկասում Անհայտ կորածների եւ գերիների հարցով Եվրոպայի Խորհրդի Խորհրդարանական Վեհաժողովի (ԵԽԽՎ) զեկուցող Լեո Պլատվոետը կոչ է անում Ադրբեջանի եւ Հայաստանի իշխանություններին համագործակցել, որպեսզի պարզվի Լեռնային Ղարաբաղի հակամարտության ընթացքում անհայտ կորածների ճակատագիրը: Պլատվոետն ընդգծել է ինչպես միջազգային, այնպես էլ տեղական կառույցների հետ Հայաստանի եւ Ադրբեջանի իշխանությունների սերտ համագործակցության կարեւորությունը: «Լեռնային Ղարաբաղում գործում է անհայտ կորածների հարցով հանձնաժողով. այն համագործակցում է Հայաստանի հետ, սակայն չի համագործակցում Ադրբեջանի հետ»,- ասել է Պլատվոետը, հաղորդում է «Թրենդը»: