Bluemint Labs ընկերությունը ներկայացրել է նոր Bixi գաջեթը, որը թույլ կտա մարդկանց կառավարել ցանկացած միացած սարքը տարածության վրա` ժեստերի միջոցով, հայտնում է Naked Science-ը:

6.6х5.8 սմ չափերով Bixi գաջեթն ունի օպտիկական տվիչ, որը տեղադրված է պլաստիկ կորպուսի մեջ և փակված է Gorilla Glass 4 ապակիով: Սարքը կարող է սոսնձվել կամ կախվել սանկացած առարկայից: Այժմ գաջեթը կարող է 25 սմ տարածության վրա և 35 աստիճան տեսադաշտի սահմանում մինչև 8 ժեստ տարբերակել:

Ժեստերը կարելի է կարգաբերել վերահսկելու համար տարբեր հավելվածները բջջային սարքերում կամ կառավարելու համար «խելացի» էլեկտրասարքերը`, օրինակ, լուսադիոդային լամպերը:

Գործողությունը, որը համապատասխանում է օգտատերի որոշակի ժեստին, կարելի է կարգաբերել Android-ի և iOS-ի համար նախատեսված հատուկ հավելվածի միջոցով: Bixi սարքը միանում է սմարթֆոնին Bluetooth-ով, ինչպես նաև կարող է կապի մեջ լինել այլ սարքերի հետ Wi-Fi-ի օգնությամբ: Bixi-ն ունի ներկառուցված մարտկոց, որի լիցքը բավարար է մոտ մեկ ամիս:

Այժմ Bluemint Labs ընկերությունը դրամական միջոցնել է հավաքում Kickstarter հարթակում: Գաջեթի մեկնարկային գինը 69 դոլար է, իսկ առաջին առաքումները կսկսվեն արդեն 2017-ի մարտին: