Հայաստանի չորրորդ գումարման Ազգային Ժողովի նախագահ է ընտրվել Հայաստանի Հանրապետական կուսակցության անդամ Տիգրան Թորոսյանը: Հինգշաբթի օրը խորհրդարանում կայացած գաղտնի քվեարկության արդյունքում Թորոսյանի թեկնածության օգտին քվեարկել է 112 պատգամավոր, դեմ` 2-ը, ձեռնպահներ չեն եղել: Թորոսյանը Ազգային Ժողովի նախագահի պաշտոնի միակ թեկնածուն էր: Նրա թեկնածությունն առաջադրվել է այսօր` նորընտիր խորհրդարանի առաջին նիստում Հանրապետական կուսակցության կողմից: ՀՀԿ-ն ստացել է խորհրդարանական բացարձակ մեծամասնություն մայիսի 12 կայացած խորհրդարանական ընտրությունների արդյունքում, հաղորդում է «Նովոստի-Արմենիան»: Տ.Թորոսյանը վերջին տարվա ընթացքում եղել է նախկին, երրորդ գումարման Ազգային ժողովի նախագահը: