Ռոբերտ Քոչարյանը ԵԱՀԿ ՄԽ հետ քննարկել է Իլհամ Ալիեւի հետ առաջիկա հանդիպմանը վերաբերող հարցեր
Հայաստանի նախագահ Ռոբերտ Քոչարյանն այսօր ընդունել է տարածաշրջանային այցով Երեւան ժամանած ԵԱՀԿ Մինսկի խմբի համանախագահներ Մեթյու Բրայզային (ԱՄՆ), Բեռնար Ֆասյեին (Ֆրանսիա), Յուրի Մերզլյակովին (Ռուսաստան) եւ ԵԱՀԿ-ի գործող նախագահի անձնական ներկայացուցիչ Անջեյ Կասպրչիկին, հաղորդում է նախագահի մամլո ծառայությունը: Քննարկվել են Լեռնային Ղարաբաղի հակամարտության բանակցային գործընթացին առնչվող հարցեր` Հայաստանի եւ Ադրբեջանի նախագահների` հունիսի 9-ին Սանկտ Պետերբուրգում կայանալիք հանդիպման համատեքստում:
