Հայաստանում ԱՄՆ դեսպան կնշանակվի այն ժամանակ, երբ նրա թեկնածությունը հաստատի Սենատը
Հայաստանում ԱՄՆ դեսպան կնշանակվի այն ժամանակ, երբ նրա թեկնածությունը հաստատի Սենատը: Այդ մասին Երեւանում մամլո ասուլիսի ժամանակ հայտարարել է ԱՄՆ պետքարտուղարի օգնականի տեղակալ Մեթյու Բրայզան: Նրա խոսքերով, նախագահ Ջորջ Բուշի առաջադրած թեկնածությունը անփոփոխ է` Ռիչարդ Հոգլանդ: «Ես հուսով եմ, որ հաստատման գործընթացը հաջող կանցնի»,- ասել է նա:
Հիշեցնենք, որ ԱՄՆ Սենատի արտաքին գործերով հանձնաժողովը երկու անգամ արգելափակել է Ռիչարդ Հոգլանդի թեկնածությունը Հայաստանում ԱՄՆ դեսպանի պաշտոնում: Երկու անգամն էլ վետոյի իրավունքն օգտագործել է Նյու Ջերսիի սենատոր Ռոբերտ Մենենդեզը, ով հայտարարել է, որ այն մարդը, ով մերժում է Հայոց ցեղասպանությունը, չի կարող ներկայացնել ԱՄՆ-ի շահերը Հայաստանում: Հանձնաժողովի առջեւ կայացած լսումներին Հոգլանդը հայտարարել է, որ ճանաչում է 1915 թվականի իրադարձությունները, սակայն չի համարում դա ցեղասպանություն:
Հիշեցնենք, որ ԱՄՆ Սենատի արտաքին գործերով հանձնաժողովը երկու անգամ արգելափակել է Ռիչարդ Հոգլանդի թեկնածությունը Հայաստանում ԱՄՆ դեսպանի պաշտոնում: Երկու անգամն էլ վետոյի իրավունքն օգտագործել է Նյու Ջերսիի սենատոր Ռոբերտ Մենենդեզը, ով հայտարարել է, որ այն մարդը, ով մերժում է Հայոց ցեղասպանությունը, չի կարող ներկայացնել ԱՄՆ-ի շահերը Հայաստանում: Հանձնաժողովի առջեւ կայացած լսումներին Հոգլանդը հայտարարել է, որ ճանաչում է 1915 թվականի իրադարձությունները, սակայն չի համարում դա ցեղասպանություն:
