Հայ պատմաբաններն ու Թուրքիայի գծով մասնագետները Էրզրումում հունիսի 21-22 կայանալիք «Հայ-թուրքական հարաբերությունները» գիտաժողովոին մասնակցելու հրավեր չեն ստացել: Ինչպես հաղորդել է PanARMENIAN.Net-ի թղթակցին ՀՀ ԳԱԱ արեւելագիտության ինստիտուտի տնօրեն Ռուբեն Սաֆրաստյանը, նրա անունով որեւէ հրավեր չի ստացվել Էրզրումից: Հրավերներ չեն ստացել նաեւ Հայոց ցեղասպանության ինստիտուտի տնօրեն Հայկ Դեմոյանը եւ թուրքագետ Աշոտ Հովհաննիսյանը:

ԱՊԱ-ի համաձայն, «գիտաժողովին հրավիրվել են գիտնականներ Հայաստանից, ինչպես նաեւ տարբեր երկրներում բնակվող հայ պատմաբաններ»: Սակայն, ինչպես գրում է գործակալությունը, «նրանք չեն հաստատել իրենց մասնակցությունը»: