Հուլիսին Միջազգային ճգնաժամային խումբը (ՄՃԽ) հերթական զեկույցը կներկայացնի ղարաբաղյան հակամարտության վերաբերյալ: Այդ մասին Բաքվում հաղորդել է ճգնաժամային խմբի Կովկասյան նախագծի ղեկավար Մագդալենա Ֆրիչեվան:

Զեկույցում կնշվեն համաշխարհային հանրության վերաբերմունքն այս խնդրի հանդեպ, կարգավորման գործընթացում գրանցված դինամիկան: Մ.Ֆրիչեվան նշել է, որ նախկինում ճգնաժամային խումբն արդեն երկու զեկույց ներկայացրել է հակամարտության վերաբերյալ, սակայն այս անգամ զեկույցում առանձնակի ուշադրություն կդարձվի նավթագազային ճյուղից ստացվող շահույթի ազդեցությանը ղարաբաղյան խնդրի լուծման վրա, հաղորդում է Day.az-ը:

Ինչպես PanARMENIAN.Net-ին են հաղորդել ՄՃԽ երեւանյան գրասենյակում, ներկայումս Մագդալենա Ֆրիչեվայի այցը Հայաստան չի նախատեսվում: