22 հունիսի 2007 - 19:34 AMT
Երեւանում կայացել է Հայաստան-ՆԱՏՕ միջգերատեսչական հանձնաժողովի հերթական նիստը
Երեւանում կայացավ Հայաստան -ՆԱՏՕ անհատական գործընկերության գործողությունների ծրագրի (ԱԳԳԾ) ՀՀ միջգերատեսչական հանձնաժողովի հերթական նիստը, որը վարում էր ՀՀ փոխարտգործնախարար Արման Կիրակոսյանը: Նիստի ընթացքում հանձնաժողովի անդամները քննարկեցին ԱԳԳԾ-ի իրականացման հետ կապված հարցեր, մասնավորապես` Ճգնաժամային կառավարման կենտրոնի ստեղծման ուղղությամբ կատարված աշխատանքները, ՆԱՏՕ-ի «Ճգնաժամերի կառավարում 2008» վարժանքին Հայաստանի` ազգային վարժանքով մասնակցությունը, տեղեկատվական ռազմավարության մշակմանը առնչվող հետագա քայլերը, ԱԳԳԾ-ի իրականացմանն ուղղված այլ միջոցառումները: Քննարկումներին իր ակտիվ մասնակցությունը բերեց Հարավային Կովկասում ՆԱՏՕ-ի Գլխավոր քարտուղարի հատուկ ներկայացուցիչ, դեսպան Ռոբերտ Սիմոնսը: Հանձնաժողովի նիստին հաջորդեց ՀՀ ԱԳ նախարարի տեղակալ Արման Կիրակոսյանի եւ դեսպան Ռոբերտ Սիմոնսի համատեղ հանդիպումը մամուլի ներկայացուցիչների հետ, հաղորդում է ՀՀ ԱԳՆ մամլո ծառայությունը: