Սեւծովյան տնտեսական համագործակցության կազմակերպության (ՍՏՀԿ) հոբելյանական գագաթնաժողովի նախօրեին, որն այսօր սկսվելու է Ստամբուլում, ձերբակալվել են Ալ-Քաեդա ահաբեկչական կազմակերպության անդամներ: Ինչպես հայտնում է Sahab թուրքական գործակալությունը, Թուրքիայի իրավապահ մարմինները ձերբակալել են 5 մարդ, որոնցից մեկը չեչեն է: Ձերբակալվածները մտադրվում էին ահաբեկչություններ իրականացնել ՍՏՀԿ-ի պետությունների ղեկավարների նկատմամբ: Տվյալ փաստով հետաքննությունը շարունակվում է:

Նշենք, որ ՍՏՀԿ-ի ստեղծման 15-ամյակին նվիրված ստամբուլյան գագաթնաժողովին մասնակցելու են Կազմկերպության մասնակից երկրների 10 նախագահ, որոնք արդեն ժամանել են Ստամբուլ: ՍՏՀԿ-ի հոբելյանական գագաթնաժողովին Հայաստանը ներկայացնում է արտգործնախարար Վարդան Օսկանյանը: