Լոս Անջելեսից ԱՄՆ Ներկայացուցիչների պալատի անդամ Լյուսիլ Ռոյբալ-Օլարդը դարձավ Հայոց ցեղասպանությունը հաստատող 106-րդ բանաձեւին աջակցող 210-րդ կոնգրեսականը: Ինչպես հաղորդում է Ամերիկայի Հայ Դատի հանձնախումբը (ANCA), նա ակտիվ աշխատանք է տանում Կոնգրեսում, վերջ տալու համար թուրքական կառավարության մերժողական քաղաքականությանը: «Հայոց ցեղասպանության վերաբերյալ 106-րդ բանաձեւի աճող աջակցությունը արտացոլում է անդրադարձը բարոյական սկզբունքներին, որն էլ պահանջում են ամերիկացիները իրենց ընտրած օրենսդիրներից: Այդ բանաձեւը հարգում է պատմության այդ մութ շրջանում սպանվածների հիշատակը եւ կարեւոր ուղերձ է բոլոր այն երկրներին, որտեղ յուրաքանչյուր տղամարդուն, կնոջը, երեխային վտանգ է սպառնում»,-ընդգծել է Ռոյբալ-Օլարդը:

Հիշեցնենք, որ Ներկայացուցիչների պալատում բանաձեւի քվեարկման համար անհրաժեշտ են 218 կոնգրեսականների ձայներ: