Կառավարության դեկտեմբերի 22-ի նիստում որոշվել է գումար հատկացնել ՀՀ Արագածոտնի, Արմավիրի և Կոտայքի մարզերի՝ կարկտահարությունից տուժած համայնքների բնակիչներին:
«2016 կարկտահարությունից տուժել է մոտ 70 համայնքի բնակիչ: Նրանց խնդիրները հնարավորինս մեղմելու համար անհրաժեշտ է հատկացնել 506 մլն 622 հազար 700 դրամ», - նախագիծը ներկայացնելիս ասել է տարածքային կառավարման ու զարգացման նախարար Դավիթ Լոքյանը:
Կառավարությունը հաստատել է ներկայացված նախագիծը:
Հուլիսի 10-ի երեկոյան` ժամը 20:30-21:30-ի սահմաններում, ուժեղ կարկտահարություն է տեղի ունեցել Արագածոտնի մարզում: Առանձնպես խոշոր չափերի հասնող կարկուտը վնասաբեր է եղել հատկապես Աշտարակի տարածաշրջանում: Մեծապես տուժել են Աշտարակ քաղաքը, Արագածոտն, Սասունիկ, Օշական, Փարպի, Բազմաղբյուր, Աղձք, Ոսկեհատ, Ոսկեվազ, Ագարակ, Կարբի, Օհանավան, Արտաշավան և այլ համայնքները, հայտնում է ՀՀ Արագածոտնի մարզպետարանի տեղեկատվության և հասարակայնության հետ կապերի բաժինը: