ՀՀ կառավարությունը դեկտեմբերի 22-ի որոշմամբ հաստատել է ՀՀ տնտեսական զարգացման և ներդրումների նախարարության զբոսաշրջության պետական կոմիտեի աշխատակազմը՝ ստեղծելով համապատասխան պետական կառավարչական հիմնարկ:
Բացի այդ, Գործադիրը հաստատել է Զբոսաշրջության պետական կոմիտեի կանոնադրությունը և կառուցվածքը:
Կառավարության նիստում ներկայացված որոշման համաձայն, կոմիտեն կունենա նախագահ, փոխնախագահ և 3 վարչություն՝ զբոսաշրջության քաղաքականության, միջազգային համագործակցության, մարքեթինգի ու զարգացման։
Կոմիտեի ղեկավարն է Զարմինե Զեյթունցյանը:
Դեկտեմբերի 12-ին անցկացված խորհրդակցությանը նախագահ Սարգսյանը հայտարարել է, թեմոտ երկու ամիս առաջ նոր կառավարության ձևավորման հետ միաժամանակ ՀՀ տնտեսական զարգացման և ներդրումների նախարարության կազմում ստեղծվեց Զբոսաշրջության պետական կոմիտե, որը մշակելու է այս ոլորտին նոր շունչ հաղորդելու քաղաքականությունը, և կառավարության ծրագրով ոլորտի համար հավակնոտ նպատակադրում արվեց` առաջիկա հինգ տարվա ընթացքում եռապատկել զբոսաշրջիկների թիվը:
