Հայաստանում մի շարք օրենքներ են ընդունվել ահաբեկչական գործնեության դեմ, որոնք ենթադրում են ինչպես կանխող միջոցներ, այնպես էլ ակտիվ գործողություններ: Այդ մասին հայտարարել է ՀՀ Ազգային անվտանգության ծառայության փոխտնօրեն, գեներալ-մայոր Ռոման Հարությունյանը Երեւանում անցած «Միջազգային ահաբեկչության դեմ պայքարի նախապատրաստման ապահովում» միջազգային կոնֆերանսի ժամանակ: Նրա խոսքերով, հատուկ ուշադրություն է հատկացվում ահաբեկչական կազմակերպությունների ֆինանսովարման հնարավոր աղբյուրների, ինպես նաեւ փողի լվացման դեմ պայքարին: «Հայաստանում մի շարք օբյեկտներ կան, որոնք կարող են սպառնալիք ներկայացնել ենթադրվող հակառակորդի համար եւ կարող են դիվերսիաների եւ ահաբեկչական գործնեության թիրախ դառնալ: Մենք կատարեկագործում ենք այն օբյեկտների պաշտպանության համակարգը, որոնք հետաքրքրություն են առաջացնում ահաբեկիչների համար»,- նշել է Հարությունյանը: Նա նաեւ ընդգծել է, որ Հայաստանում պայքար է տարվում ահաբեկչության գաղփարախոսության դեմ, ինչը գլխավորում է հենց ԱԱԾ-ն: