ՌԴ և Թուրքիայի պաշտպանության նախարարությունները հուշագիր են ստորագրել Սիրիայում ավիացիայի թռիչքների անվտանգության ապահովման և միջադեպերի կանխարգելման վերաբերյալ, հայտնում է ՌԻԱ Նովոստին ՌԴ Պն վրա հղումով:
Հուշագիրը ստորագրվել է հունվարի 12-ին ՌԴ և Թուրքիայի ԶՈւ միջև «Իսլամական պետության» դեմ պայքարում ռուս-թուրքական փոխգործակցության վերաբերյալ խորհրդատվությունների ավարտին:
«Փաստաթղթով սահմանվում են ՌԴ և Թուրքիայի օդուժի գործողությունների համակարգման մեխանիզմներն ահաբեկիչների օբյեկտներին հարվածներ հասցնելիս, ինչպես նաև երկրների գործողությունների կարգը, ուղղված միջադեպերի կանխարգելմանը Սիրիայի օդային տարածքում»,-ասվում է ՌԴ ՊՆ հաղորդագրության մեջ:
2015-ի նոյեմբերի 24-ին Սիրիայի երկնքում թուրքական ՌՕՈւ ուժերը խոցեցին ռուսական Սու-24-ը: Ռուսական ռմբակոծիչը ոչնչացվել էր առանց օդային տարածքը խախտելու մասին զգուշացման: Ռուսական կողմը պնդում էր, որ ինքնաթիռը չի խախտել Թուրքիայի օդային տարածքը և ներողություն էր պահանջում թուրքական կողմից:
