Armenia ավիաընկերությունը որոշել է փոխել Վորոնեժ-Երևան և հակառակ ուղղությամբ թռիչքների չվացուցակը: Փոփոխությունը կգործի 2017-ի հունվարի 13-ից մինչև մարտի 17-ը, հայտնում է Վորոնեժի միջազգային օդանավակայանի մամուլի ծառայությունը:

Ինքնաթիռը Վորոնեժից կմեկնի Երևանի ժամանակով 11:00-ին, իսկ Երևան կժամանի 13:10-ին: Հակառակ ուղղությամբ ինքնաթիռը կմեկնի 7:50, իսկ կժամանի 9:00-ին:

Նախկինում չվերթներն իրականացվում էին երեկոյան ժամերին:

Armenia ավիաընկերությունը դեկտեմբերի 16-ին իրականացրել է Երևան-Վորոնեժ առաջին չվերթը, որի ավիատոմսերի արժեքը մեկ ուղղության համար սկսվում է 49 եվրոյից (մոտ 25.000 դրամ), տեղեկացնում է ավիաընկերության մամուլի ծառայությունը:Չվերթերն իրականացվում են շաբաթը երկու անգամ` երեքշաբթի և ուրբաթ: Չվերթի տևողությունն է 2 ժամ 10 րոպե: